أحبك نيابة عن كل الذين أحبوك

في البداية ، يتبدلون معكم الأغاني ، ثم كل شئ..

و في النهاية ، يرحلوا، و يأخدوا منكم كل ما اعطوكم، و كل ما اعطيتُمهم..

لذلك،
أحبك نيابة عن كل الذين أحبوك يوماً ما ورحلوا، عن كل الذين أحبوك يوماً وتوقفوا، عن كل الذين أحبوك يوماً واعتزلوا، عن كل الذين أحبوك يوماً و خذلوك، عن كل الذين أحبوك يوماً واستسلموا، عن كل الذين رأوك و مضوا و لم يتوقفوا ليرتاحوا فيك، عن كل من لمسوك و نسوا، عن كل الذين أحبوك يوماً ولم يوفوا، عن كل الذين سيحبونك الآن ولن يكملوا، أحبك عن كل من بخل وأنقص وشح بالحب إليك.

"رُبما لم يرغب المرء في الحبّ بقدرِ رغبته في أن يفهمه أحدهم"
جورج أورويل / 1984

اتبسطوا بالحاجات الصغيرة :)

من شهرين تلاتة كنت بفطر في Ovio ، دخل واحد كانت خطيبته مستنيه، سلم عليها و باس ايدها، الحقيقة شكله كان cute اوي، و اللي لفت نظري وقتها ان في ناس اتريقت عليه و ايه التلزيق ده و كلام سخيف كتير.

النهاردة في السينما، اتفرجنا علي فيلم musical لطيف و مبهج جداً، كان في راجل كبير حوالي ٥٥-٦٠ سنه معاه مراته، من الواضح انها مشافتش الفيلم القديم ف عمال بيشرحلها الفيلم و الاحداث، و منسجم جداً بيغني مع الفيلم و مندمج مع الحوار شكله كان مبهج جداً و شرحه لمراته كان لطيف كده.

في نفس الوقت طلعنا من السينما قبلنا صديق كان بيلعب video games مع خطيبته في magic planet و معاه ناس صحابه عادي يعني.

اظن الولد اللي كان في Ovio و الصديق اللي بيلعب video games لما يكبروا هيبقوا هما الراجل اللطيف اللي في السينما اللي واخد مراته فيلم musical n بيشرحولها بكل اللطافة اللي في الدنيا و مش فارقله ايه هيفوته من الفيلم.

الخلاصة يعني، عبروه عن مشاعركم، حبوا بعض، اتبسطوا بالحاجات الصغيرة، اعملوا مع بعض حاجات تافهه كتير، شاركوا بعض الاهتمامات، اعملوا اي حاجة و كل حاجة بمشاعر genuine فيها اهتمام و ود و لطافة كتير عشان ده اللي باقي، و اللي يتكلم يتكلم، الواثق من نفسه و مبسوط معاها و متكيف مع دماغه مش هيفرقلوا حد .. كفاية ناس بتخاف من ناس تانية بتخاف من ناس تالتة عشان ولا حاجة.

عشان غالبا هي دي اجابة الامتحان

ساعات امتحانك هو ان تقابل ناس مش شبهك خالص، لا قلب ولا قالب، عشان تشوف حاجات مكونتش تتخيلها و تصرفات مكونتش تتوقعها، و اذي معدي اي تخيلات و بالرغم من كده تفضل تجاهد روحك انك متتغيرش، و تحاول تثبت علي اخلاصك في نيتك، علي مبادئك، علي نظافة قلبك، و علي هدفك عشان غالبا هي دي اجابة الامتحان .. و هتنجح لما تكتشف اذا كنت بترضي الناس ولا بترضي ربنا و نفسك و ضميرك.

ساعات تانية امتحانك هو انك ترد اذاهم ده بالدعاء ليهم و تدفع بالتي هي احسن وتكمل في طريقك بعيد عنهم انت و قلبك النظيف يمكن تنورلوهم السكة و يمشوا فيها من بعدك.

و يمكن امتحانك انك تفهم ان كل واحد بيشوف الدنيا بقلبه و مش معني ان قلبك نظيف ان الدنيا كلها كده و ان الناس اللي قلوبها بيضا و حياتهم بسيطة و سهلة بيشوفوا كل حاجة حلوة ، و بيعرفوا يسهلوا كل حاجة و عندهم من اللين و الرفق اللي يخلي عشرتهم جميلة، و في ناس من كتر ما قلوبها مريضة، بتبقي حاجتهم انهم يحسوا انك ناقص فوق حاجتهم انهم يعذروا و يقدروا و يحسنوا النية، و معندهمش اي مانع انهم يطحنوك و يكسروك و عندهم مبرراتهم كمان، و تبقي مش فاهم طيب انت اللي صح ولا هما الصح، طيب اتعامل زيهم ولا اعمل ايه و تبدأ تتلخبط في نفسك و في قيمك في الحياة و تخاف لكن ترجع تفتكر انك في الاخر بتعامل ربنا مبتعملهمش هما.

و يمكن درسك انك فاكر ان قلبك نظيف و هو اصلاً مليان بلاوي.

اما هما، اظن ان درسهم انهم يفهموا ان ربنا عدل و حق و مش بيبات مديون و ان الايام دول.

يا رب بصّرهم بنفسهم و نوّر قلوبهم و اشغلهم بحالهم و ابعد اذاهم عن نفسهم و عنا..

يوميات ترابيزة في ستاربكس!

بما اني من رواد ستاربكس الدائمين، بحب اروح الساعة ٧ الصبح - ٨ بالكتير، معاد في الرايق كده، رواد المعاد ده اغلبهم ثابتين مبيتغيروش، و مسميين ال outdoor الفرانده؛ و مع الوقت عملنا علاقات مع بعض؛ عارفين تربيزات بعض؛ ندخل نصبح علي بعض، اللي نازل يجيب حاجة ممكن يسئل الباقيين، واحنا ماشيين بنسلم علي بعض، اسرة في بعضينا كده.

و بما اننا عارفين بعض، برضه بنبقي عارفين مين جديد علينا و مين لا ..

الترابيزات الثابتة،

من ضمن الترابيزات اللي كانت ثابتة الشهور اللي فاتوا، اتنين بيجوا كل يوم يقعدوا حوالي ساعة ساكتيين تماماً و يشربوا القهوة و يمشوا، اخر كام مرة شوفتهم ، كانوا بيدخلوا ، الست تقعد مديانا ظهرها و يقعدوا نفس ساعة، بس المرة دي مليانه كلام، و في مرة مشيوا، و مشوفنهمش تاني. اتخيل ان المرات اللي فاتت ملها كانت محوالات فاشلة للهروب من اخر مرة بس معرفوش 🙂

كان في ترابيزة تانية خالص، من الثوابت لفترة برضه، بيقعد عليها بنتين صحاب، صغيرين، مرة سألتهم عن سنهم فضول، كانوا ١٩ سنة. من الواضح انهم صحاب قريبين من بعض جداً بس بينهم خلاف ، وكان في واحدة منهم صوتها عالي جداً و ديماً بتقول نفس الجملة، متخليش الزعل يزود بينا المسافات، انتي اهم واحدة في حساتي و التانية مشاعرها جامدة اوي ، ديما بتكتفي بأبتسامة باردة، و مترودش، و من كتر ما كانت مشاعرها جامدة كان نفسي اقولها انا جايه من المستقبل و بقولك امسكي فيها دي بجد بتحبك، بس لقيتني بقولهم صوتكم عالي و كلنا سامعينكم غصباً عننا فوطوا صوتكم و براحة علي بعض. شوفتوهم مرتين تلاتة كمان بعد كده، واحدة بتتحايل علي واحدة تمسك فيها، و التانية بنفس البرود، و بعدين مشوفتهمش تاني. اعتقد ان البرود مش بس بيكبر المسافات و لكنه بيكسر قلب اللي ماسك و متبت لحد ما هو كمان بيسيب!

وفي الراجل الكبير المهذب المحترم اللي بيجي يقعد و يديني ظهره و يعتذر انه بيديني ظهره بس هو عاوزني اقعد براحتي من غير ما احس بوجوده، المثير للفضول ، انه بيقعد ساكت ولا ماسك كتاب ولا تليفون ولا بيعمل اي حاجة، و ده بيخليني افكر يا تري في ايه دوشه في دماغه و سحله للدرجة و ازاي هو حسيس كده في زمن بقي في جبلات بس!

وفي ناس كتيرة تانية من الثوابت تبقي بتبوصلهم و نفسك تفهم ايه حكايتهم و ايه اللي وراهم و وصلهم لكده.

و في الترابيزات الطياري، و برضه مش خالصيين!

امبارح، كان في اتنين ، من قعدتهم كان باين اوي ايه المشكلة و قد ايه في تنشنه و نكد. البنت قاعدة عينيها مليانه دموع و الولد باصص في الارض و قعدوا حوالي ٣ ساعات بيتكلموا و في النص الولد كل شوية يطبطب عليها و شوية و البنت قامت و الولد فضل قاعد و مقامش بعدها.

و غيرهم بيعدي علينا كل يوم و احنا قاعدين نفس القاعدة 🙂

المهم بقي في كل القصص دي، ان اللي معدي في الشارع و شايفنا قاعدين في الفرانده من بره، بيفضل باصص علينا و هو ماشي و بنشوفهم و هما بيتفرجوا علينا، فاكرين اننا فايقين ومبسوطين و بنشرب قهوة و بالنا رايق لكن الحقيقة اظن ان ترابيزات ستاربكس دي شافت خذلان، و وجع قلب، و الم فراق، و دموع و احضان متشافتش في حته، لكن عشان كلنا بلا استثناء بنبوص من بعيد و شايفين من بره الفرانده فمحدش فاهم ولا حاسس بحاجة.

هونها علينا و عليهم يا رب 

Healing 101..

Healing 101:

-Understand that pain is inevitable!

1. You must let the pain visit

2. You must allow it teach you

3. You must not allow it overstay

—Ijeoma Umebinyuo

-Understand that pain should not define you or define your choices! 

"To heal is to touch with love that which was previously touched by fear." —Stephen Levine

- Understand that pain can swallow you only if you allow it to !

“throw roses into the abyss and say: ‘here is my thanks to the monster who didn’t succeed in swallowing me alive."

—Friedrich Nietzsche

-Understand that time heals everything and anything, just give the time some time!

“The worst thing in the world can happen, but the next day the sun will come up. And you will eat your toast. And you will drink your tea.” —Rhian Ellis

-Understand that it is okay not to have answers to all your questions, sometimes you need to move on without even finding validations for your decision.

"Sometimes you don’t get closure. You just move on." 

-Understand that those who caused you pain are in pain themselves, it is not an excuse for them, but it is your way to understand that it is not about you, it is about them!

"People can only meet you as deeply as they have met themselves. Don’t waste your energy trying to explain things to those who cannot hear you." —Audrey Kitching 

-Understand that strength is not about hiding your emotions, it is more of embracing them and understanding the reason behind them!

“Destroy the idea that you have to be constantly working or grinding in order to be successful. Embrace the concept that rest, recovery, and reflection are essential parts of the progress towards a successful and ultimately happy life.” 

-Understand that a lot of people will let you down just because they havent been through what you have been through and thats not an excuse, however God will give you other ones who will support you without any reasons. Be this kind of support to others !

"One of the greatest barriers to empathy is the fear of saying the wrong thing or the need to make everything better. Let me go on record as saying (putting you at ease a little bit, hopefully) that when someone has experienced something very traumatic - a significant loss - there’s nothing you can say to make it better. All you can do is to be with people in that space. So if all you can come up with is, ‘I don’t know what to say. I just know that I want to be with you in this. I don’t know how to make it better. I just know that I’m dying inside to make it better. I want to help.’ What we all need when we’re in struggle is the ability for other people to look us in the eye, to be with us, to embrace us, and to be willing to be with us." —Brené Brown

-Understand that pain changes people, they mature as they go through it, and it is okay to change.

"I knew who I was this morning, but I've changed a few times since then." —Lewis Carroll

-Understand that healing requires a lot of self-care, self-acceptance and self-forgiveness!

“With every act of self care your authentic self gets stronger, and the critical, fearful mind gets weaker. Every act of self care is a powerful declaration: I am on my side; each day I am more and more on my side.” —Susan Weiss Berry 

-Understand that it is okay to take one step at a time, baby steps. Day by day, do not overthink or stress yourself!

"Maybe it’s okay that you don’t know what’s going to happen. Maybe you should stop predicting and controlling and enjoy each moment as it comes."

-Understand that what you have been through doesn’t need to be true to anyone, hanging on to reasons why it happened to validate your pain to others will only break you more!

“I think sometimes trauma survivors fall into this place where it’s very hard to believe that anything that happened to you was that bad. And the only proof you have that it was that bad is that you’re suffering. And so healing can be really scary and difficult because it means giving up the only tangible evidence you have that you were traumatized in the first place.” —gaymilesedgeworth 

-Understand that the world does this to you to change your heart, do not allow it to, be kinder always!

“It’s so easy to laugh.

It’s so easy to hate.

It takes guts to be gentle and kind.”

—The Smiths

-Understand that the only person who needs to be good to you is You!

"Sometimes you don’t start your day until 2pm. Sometimes you have to put on a pair of jeans and a nice shirt instead of sweatpants in order to feel good about yourself. Sometimes it’s really fucking hard to get up and take a shower or brush your teeth. Sometimes it’s really fucking hard to take care of yourself and it’s okay. That is okay. Simple things aren’t always easy and simple things being hard doesn’t make you weak, you are doing the best you can and some days there are things you just can’t do and that’s okay. You are healing. You are trying. Do what you need to do to feel good." —lightpositivity #ToBeVulnerablyHonest

Excerpts of my 31 birthday

‏
Excerpts of my 31! مين  نور

الحقيقة اني  بعد اللي عديت بيه السنة اللي فاتت ، اقدر اقول اني تميت "١" مش  "٣١" ابداً ..
حاسه اني اتولدت من جديد. حاسه اني شخص جديد، اكتشفت في نفسي حاجات تانية و اكتشفت اني قوية.
الحقيقة اني محظوظة لانه احياناً ربنا بيبعتلنا حاجات في طريقنا تصحينا لنفسنا في وقت احنا اصلاً فاكريين فيه اننا صاحيين. انا ال ٣٠ سنة  اللي فاتوا متعلمتش فيهم قد اللي اتعلمتوا ال ٥ شهور اللي فاتوا.
و سبحان الله مدبر الامر  - ان كل حاجة خططها اتلخبط ، و ده كان درس لل perfectionists امثالي انه احنا الحقيقة خوافيين و مهما حوالينا نسيطر  عشان الدنيا تمشي بالسنتي عشان احنا خايفين ربنا هو  المسيطر و المهيمن الوحيد !

"من جمال الحياة أن الله يبعث في طريقك ما يُوقظك بين الحين والآخر ، أنت الذي ظننت لوقت طويل أنّك مستيقظ تماماً !"

نبدأ بسم الله!

١- حب الناس نعمة كبيرة اوي!
الحب اللي بجد اللي مليان رحمةو دعاوي من القلب، زي دعوة طنط انجي حبيبتي لما تقولي "انتي في حفظ الله" او لما ام محمد  تقولي "اللي فيكي يجي فيا" ولا  بدرية لما تقولي "يكفيكي شر الغفلة" ولا دعوة علا " يا رب فرحة متصدقيش نفسك من كترها" و لا دعوة ال waiter  " يا  رب السنة دي يبقي فيها  كل اللي انتي عايزه"  و دعوة فايزة حبيبتي " ربنا يجعل في وشك القبول" و دعوة عطعط " ربنا ينصرك " و وجدي اللي بيركني عند ستاربكس وبتاع المكتبة لما قالي ربنا ينجح مقاصدك و علاء و صفاء و تهاني  و دعاوي تانية كتيرة فيها محبة فوق الوصف.

٢- القلب النظيف ده رزق!
القلب اهم من اي حاجة. متخليش قلبك زي ما الناس عاوزاه. خليه ديماً ابيض، خليه مليان خير، حب متكرهش، الناس المؤذية ازعل عليهم مش منهم . متخليهوش ناشف زي الحديد خليه من طين، عشان لما تمطر عليك قلبك يورد ميصديش!

"عندما أخبرته أن قلبي من طين سَخِر مني، لأن قلبه من حديد. قريباً ستُمطِر، سيُزهرُ قلبي .. وسَيَصدأ قلبه"

٣- لين، هين، سهل، قريب من الناس!
انا ممكن مبقاش اشطر واحدة بس مؤكد اني بحاول، ممكن مبقاش ناجحة و بفشل كتير ، بس الاكيد اني شجاعة كفاية اني اعتذر لما افشل اكون حاجة منهم.  يا رب اكون لينه بس متكسرش، هينه من غير ما تصعب عليا نفسي و سهلة من غير ما حد يستضعفني و قريبة منك. امين.

٤-اي نور تتركه داخل احدهم يضيئك !
حاجات بسيطة و مش بسيطة، لازم نساعد بعض بكل الطرق الممكنة و الغير ممكنة.. احنا موجودين عشان نهون علي بعض الطريق لا اكتر ولا اقل. متصعبوهاش علينا و علي بعض هي صعبة من غير حاجة 🙂

٥- اترك اثراً!
ربنا خلقنا كلنا لسبب ، المحظوظ فينا اللي يوصلوه، دور عليه، هتلاقيه جواك او مثلاً في اسمك زي ما انا لاقيته 🙋🏻‍♀️

٦- صحتك و ايمانك هما اللي باقيين لك!
طنط انجي حبيبتي ديماً تقولي كده، و الحقيقة احب ازود عليهم نفسك. محدش هيسندك غير نفسك، محدش هيخاف عليك قد نفسك، و محدش هيشيلك لما تقع غير نفسك. نفسك دي اللي هي انت، ابوك و امك و اخواتك و صحابك اللي روحك و روحهم شبه بعض. متخسرش نفسك عشان تساعد حد يلاقي نفسه و متضغطش نفسك لحد ما صحتك تروح منك، ايمانك بربنا هو اللي هيناجيك من اي حاجة و في كل حاجة.
صحتك النفسية و حدودها و سلامتها و امنها مسؤليتك خالي بالك منها 🙂

أتمنى أن أبكي و أرتجف، التصق بواحد من الكبار"
لكن الحقيقة القاسية هي أنك الكبار
أنت من يجب أن يمنح القوة و الأمن للآخرين".

٧- متخافش و متحزنش ، ربنا مش بيسيب حد !!
دي حاجة شوفتها و اتعلمتها و حسيت بيها للاسف انها بتفرق حسب يقين كل واحد و للاسف انه بالوعي كده كلنا فاكريين حاجة و تصرفتنا وال لا وعي بيخلينا حاجة تانية و ده كان للاسف احد ابتلائتي اللي هزتني جامد ، و الحمد لله اديني لسه بكتشف الدرس.
متخافش تواجه نفسك و مخاوفها، متخافش تغلط، هتتعلم، متخافش تاخد مخاطر، متخافش تواجه المك و مشاعرك، خليك شجاع ، خليك حقاني، خليك نور. و افتكر انه خير الخطاؤون التوابون. متخافش علي منظرك و متخافش من الناس. كلنا فينل بلاوي بس ربنا اللي سترنا.

"أتعرف يا هذا ..لقد أرجعتك غريباً كما كنت
تخطيت كل مخاوفي من مواجهة ذكرياتي معك
واجهتها .. وبكيت ،بكيت كثيراً
كنت أريد أن أطهر جروحي وأبكي حتى تنتهي دموعي المخبأة، أنهيتها
وأنا الآن أقوى، أقوى بكثير مما تظن
وأرجعتك هذا .. يا هذا"

٨- ماتعش ترضي الناس، ارضي ضميرك!
في ناس اهم حاجة منظرها، و اهم حاجة الناس هتقول عليهم ايه و مين هيشوفهم ازاي. الحقيقة انه قلبك اهم و محدش هيشوفوه غير ربنا، ارضي ربنا، ارضي نفسك و ضميرك و متخافش من حاجة و افتكر ديماً ان العين مبتكرهش غير اللي احسن منها 🙂 عيش مبسوط و راضي عن نفسك احسن متعيش جبان عشان ترضي الناس، محدش رضي الناس و ارتضي ابداً

"إنك في أسوأ حالاتك لن يكرهك الجميع كما أنك في أفضل حالاتك لن يحبك الجميع ينبغي أن تؤمن بهذا المبدأ ..
وأنه كافٍ للغاية لتعيش بسعادة ورضا."

٩- عامل ربنا ، متعملش الناس!
كتير هتعمل حاجات و مش هتتقدر او حد يردهالك، و مش المفروض تكون مستني حاجة من حد، احنا بنستني من ربنا بس. مش سهلة بس ممكن مع الوقت تفهمها و تحسها.  احياناً من غير ما اقصد بعد اللي مريت بيه بلاقي نفسي بسأل ربنا ليه، طيب اعمل ايه، طيب اسيب الفطرة و ابقي زيهم، و لاقيت ربنا بيبعتلي رسايل ، اثبتي و اجمدي و كملي.  انا بسامح عشان ربنا يسامحني و الحقيقة اني مريت بأختبار اكبر مني و من اللي حوالياه عشان ربنا يثبتني علي المبدأ. ربنا عارف اني لو فقدت ايماني بالمسامحة وجعي هيبقي اكبر من اللي حصلي اللي هو اصلاً اكبر من اي تخيلات. سامح و عدي و حط كل حد في مكانه.

"إن أسوأ ما يمكن أن يصيب شخص شعوره بأن حدسه لم يَصدُقه وأن الذي ظنّه نجاهً أهلكه وأن الذي ظنّه هدايهً ضلله وأن الذي اختاره ليفنى في سبيله اختار غيره ليُفنى نفسه معه."

١٠- الغُسل !
الناس كل شوية تنتقد و تعلق و تسأل، مع اني عمري ما سألت حد انت بتشرب سجاير ليه و هي حاجة مؤذية او انت مبتصليش ليه و هي حاجة حرام او انتي مش محجبة ليه عشان ماليش حق. نفس الكلام علي الغُسل ، الاستنكار الرهيب ده بتاعك تخليه لنفسك، لان الغُسل من الحاجات اللي غيرتني و غيرت قلبي تماماً و عرفتني الدنيا علي حقيقتها. اتمني ان الناس كلها تمر بالتجربة دي عشان دي فعلا life changing experience بتفوق الواحد لحاله.

١١-متديش ظهرك لحد !
الا الخذلان ، متجيش علي حد مش مستني او متوقع منك كده. متكسرش قلب حد، متكشفش ظهر حد ، متخليش حد يسند عليك لو مش ساند نفسك، متوعدش حد حاجات مش قدها، متخيبش امال حد، متدمرش احلام حد و متكلمش علي حد و متحكمش و اعذر قد ما تقدر ، و متزعلش من حد لما يغلط بس حطه في مكانه الصح. متعشمش حد ، الا كسر الخاطر. ربنا اسمه العدل، و اسمه الجبار.

"كطفلٍ هرول الي امه باكياً لتحتضنه، فتلقي صفعه ليكف عن البكا، هكذا هو الخذلان"

١٢- مش كل اللي اكل معاك عيش و ملح اكله عشان يبقي عشرة، في ناس بتاكله طفاسه، عشان كده متعرفش حد نقطة ضعفك ولا ايه بيوجعك، متعرفش حد داخليات روحك او اللي يحسسك انك عريان قدامه. سبحان مقلب القلوب ، في ناس عندها قدرة انها تحط كل ده تحت رجلها و تعلي بيه و تسيبك تحت. سيدنا يعقوب قال لسيدنا يوسف " لا تقصص رؤيتك علي اخوتك فيكيدون لك كيداً" ما بالك بغيرهم.

١٣- كل واحد عنده مبرر لتصرفاته و غلطه، النية بتفرق ، الاعمال بالنيات و لكل امرءٍ ما نوي ، و النوايا ربنا اللي مطلع عليها ، متزعلش ، و علي نياتكم ترزقون و من اعمالكم سلط عليكم و إن يعلم الله في قلوبكم خيرا يؤتكم خيرا مما أخذ منكم و يغفر لكم  ف عامل ربنا عشان دي الحاجة الوحيدة المضمونه 🙂

١٤- متدورش علي اللي نقصك بره، اشتغل علي نفسك عشان لما تقابل حد تبقي عاوزوه عشان بي complement اللي مش مظبط عندك  مش بيديلك اللي ناقص. متجتمعوش علي سبب عشان كل الاسباب بتروح، اجتمعوا علي المودة و الرحمة و السكن. متدورش علي رحمة جوه حد الا لما تلاقيها جواك، و متسكنش حد مش هتعرف ترحمه 🙂
اسند نفسك، قوي نفسك، اقع، قوم، عافر و اقف هتوصل 🙂

"وأنت تحاول الغرق تأكد من أن مفتاح نجاتك في يد أمينة .. وأنه لن يُستخدم ضدك"

١٥- مش لازم ديماً تبقي صح، بس لو هتعمل حاجة اعملها صح :))) الصح من شخص للتاني مش هو هو، احياناً حاجتنا اننا نبقي صح بتحولنا لمكينات و بنسي الاعذار و بننسي الظروف و بنقسي علي بعض. العلاقات اهم و قلوبنا اهم و الدنيا فيها حاجات اهم من اننا ديماً نطلع صح 🙂

"النقاشات بين المحبين ينهزم فيها الأكثر حباً وليس الأقل حجة"

١٦- الظلم وحش، الظلم ضلمة في القلب و غشاوة علي العين و طمس علي المخ. ربنا يعفينا و يا بخت اللي ينام مظلوم ولا ينمش ظالم. و احقاقاً للحق ، كل اللخبطة الصحية و النفسية اللي مريت بيها الفترة اللي فاتت مالهاش اي علاقة تماماً ب my relationship status عشان كل الناس اللي ربطت ما بينهم و انا الحقيقة محبش اظلم حد. و من ضمن الحاجات اللي مش بحبها ، الفضول و النميمة و الغيبة و كلهم يقعوا تحت الظلم ، ربنا يدّي كل واحد علي قد نيته و اللي في قلبه 🙂

"الوقاحة، هي أن تَبتسم لي وقد أكلت من لحمي حتى جف لسانك والاستهانة، هي أن أعلم بكل ذلك وأبتسم لك"

١٧- عبروا عن مشاعركم ، احضنوا الناس ، بكلمكم و بايدكم ، لموا المتبعتر منهم خلوهم يحسوا بالامان 🙂

"أيدرك الأطفال حاجتنا لأحضانهم الصغيرة؟
وأن براءتهم بوسعها أن تحتضن الوحوش الكامنة داخلنا وتربت عليها بكل حبٍ فيسكُن الألم ولو قليلاً."

١٨- قيمتك مش في عربيتك ولا جزمتك ولا شنطتك ، قيمتك مش في صرفك ، مش في الشغلانة اللي قاتل نفسك فيها و مش اللغات اللي بتكلمها، قيمتك و راحتك في قلبك و نيتك الصافية:)

"أعان الله أصحاب الظنون السيئه فهناك مسافة طويلة جداً بينهم وبين الراحة"
مصطفي محمود

١٩- تلك الايام نداولها بين الناس ، و كما تدين تدان، مع روحك و مع بدنك و مع اللي حواليك. متحكمش علي حد , dont label, خليك رحيم بنفسك و بالاخرين، سامح.

"وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ"

٢٠- لا شيء يمرّ في حياتك عبث ، حتى تعثراتك الصغيرة كانت لأجل أن تعرف شيئًا ما ، لأجل أن تعي ، لأجل أن يتسّع أفقك وتزيد حكمة !

"‫لَا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَت وَعَلَيْهَا مَا اكْتَسَبَتْ ۗ رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا ۚ رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ"‬

اتمني انه حد واحد بس يقرا للاخر و يستفيد و ابقي انا كده I paid forward the lessons عشان صدقة الابتلاء تكون وصلت ..

PS: my rings are constant reminder of the 5 months and that I need to give the time some time, nothing great happens so fast!

نهاركم سعيد 💛🌸

العاصفة ٢٥/٤...

(امشي جمب الحيطة عشان من خاف سلم) versus ( امشي علي الحيطة عشان انا توكالي علي الله)

يوم التلات المفروض كان الجو زفت و هيبقي في عاصفة و حاجة نكد و الناس كانت مقلقة،اصل بالورقة و القلم، احوال الجو قبلها، توقعات خبراء الارصاد،  و الاخبار اللي انتشرت و التحذيرات ، العاصفة جايه لا محاله، و صادف انه يوم اجازة كمان، و الناس اخدت بالاسباب و قعدت في بيتها عشان مش طالبه قلق، و في ناس تانية صحيت الصبح يومها طلعت البلكونة لقت الشمس كويسة ، اخدوا باسبابهم اي ان كانت و نزلوا و قالوا لو الدنيا قلبت نبقي نرجع بيوتنا.

دول اسبابهم منطقية و صح و دول اسبابهم منطقية و صح.

بس في الاخر، ربنا خايب توقعاتنا كلنا و العاصفة محصلتش و كل كلام الخبراء راح في الوبا و الناس نكدت علي نفسها مع انهم اخدوا بالاسباب، و الناس اللي نزلت و غامرت برضه اخدوا بالاسباب و بسطوا نفسهم و مضيعوش يوم الاجازة.

اللي عاوزة اقولوه انه احيانا بالورقة و القلم و الحسابات و العقل ،الحاجة متبقاش ماشية بس الواحد عشان جواه مؤمن بحاجة تانية و عنده يقين و مش خايف و راميها علي الله يحصل اللي هو عاوزه و ربنا يخلف كل الظنون لصالحه عشان "لعل الله يحدث بعد ذلك امراً" و لان مفيش غيره "يدبر الامر" و "من توكل علي الله فهو حسبه" فالموضوع يطلع بسيط طول ما احنا هنشغل قلوبنا صح !

أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا ۖ فَإِنَّهَا لَا تَعْمَى الْأَبْصَارُ وَلَٰكِن تَعْمَى الْقُلُوبُ الَّتِي فِي الصُّدُورِ (46)

يا تعيش شجاع يا تموت جبان !

الحقيقة انه بعد رغي كتييييير جداً مع ناس اعرفها و ناس معرفهاش، و سماعي لمشاكلهم اقدر اجزم ان نص مشاكلنا جايه معانا من واحنا صغيرين، يا للاسف متحبيناش زي ما كنا عاوزيين يا متفهمناش من الاصل و اتفرض علينا اختيارات مش بتاعتنا بس مناسبة لماما و بابا و سوسو و توتو و المجتمع اللي حوالينا.

نص المشاكل التاني جيه لما كبرنا و رضينا و رضخنا للاختيارات دي و بقينا لا عارفين نكون اللي احنا عاوزينه ولا اللي الحوالينا عاوزينوا و بقينا مسوخ.

اللي زاد كمان، ان في ناس مكتفيتش بعدم الحب و التفاهم ده لكن كمان لما جم يتجوزوا و يعملوا عيله they settled .. و اتفجأوا انهم لا اتحبوا ولا اتفهموا تاني و كملوا عيشتهم مسوخ بتجيب مسوخ.

دول اللي انا بسميهم ماشيين جمب الحيطة!

لكن علي الصعيد الاخر، و بنسبة بسيطة جداً في ناس اهلهم ربوهم ميبقوش مسوخ و بيعافروا و بيحولوا و دول اللي تقريباً عايشين ماشيين علي الحيطة، مفيش حاجة بتجبرهم علي حاجة او بيمشوا بأعراف و تقاليد باليه.

 بس للاسف عشان محدش بيسيب حد في حاله، و كل واحد مدّي نفسه مطلق حرية التدخل في حياة الاخريين. لا المجتمع ولا اللي حواليهم سيبينهم في حالهم عشان هما عارفين انهم شجعان و للاسف ديماً العين بتكره الاحسن منها.

اظن انه ممكن حضرتك تفضل مسخ زي ما انت في حالك بس تسيب غيرك بيحاول ميبقاش، يتحاول انت كمان تكون انسان من غير متئذي اللي حواليك.

الخلاصه،يا تعيش انسان و تموت شجاع مش فايتك حاجة، يا تعيش مسخ و تموت جبان فايتك حياة...

عزيزي سليم!

عزيزي سليم،

اكتب لك هذه الرسالة، لأذكرك واذكر نفسي بما نسيه الاخرون. فلتتذكر ايضاً أني أحبك جداً، و أشفق عليك كثيراً لوجودك في هذا العصر. عصر القرود!

في عصر القرود، مشي الانسان علي القمر، و تحكم في الطاقة، و اشياء اخري لكنه بقدر تحكمه في هذه الاشياء بقدر ما قد فقد التحكم في نفسه و شهواته و بقينا امام انسان اقل رحمة، اقل مودة، اقل عطفا، اقل شهامة و اقل مروءة، و اقل صفاءاً من انسان العصر الزراعي المتخلف.
و قد نكون تقدمنا عشر خطوات للامام و لكننا رجعنا مائة خطوة و اكثر للخلف!
لم نعد ننتظر من السماء شيئا وظننا انه بتقدمنا قد اخذنا زمام الأمر في يدنا ..و خيل إلينا أنه لا سماء هناك و لا رب و لا مهيمن سوانا.. و نسينا الأوامر و الشرائع و الأعراف و التقاليد ..انطلقنا نعيش على هوانا ولم نعد نري غير انفسنا و لا نبالي لحال الاخريين و اصبحت الحياة حياة مادية صرفة .
وحينما يعيش الإنسان حياة مادية صرفة، تتغير المعايير، فالنفس لا تزداد شبعا بل تزداد جوعا و لا تزداد امتلاء بل تزداد خواء ثم هي تنتهي إلى حالة من الظلمة الحيوانية و القسوة و البلادة .. ثم تنتهي آخر الأمر بفساد الفطرة.
في عصر القرود، حينما يعيش الانسان حياة مادية، ينسي المودة و الرحمة و يتخيل ان الرحمة ضعفاً، و القسوة قوة، و يشغل حاله بالانتقام و التنكيل، يكثر بالقول و ينسي الفعل.يكن انانياً يطلب كل شئ ولا يرضيه اي شئ و لا يشبعه شئ.
في عصر القرود، أهل الحكمة في راحة و أهل الله في راحة .. لأنهم أسلموا إلى الله في ثقة و قبلوا ما يجريه عليهم و رأوا في أفعاله عدلا مطلقا دون أن يتعبوا عقولهم فأراحو عقولهم أيضا، فجمعوا لأنفسهم بين الراحتين راحة القلب و راحة العقل فأثمرت الراحتان راحة ثالثة هي راحة البدن.. بينما شقى أصحاب العقول بمجادلاتهم
‎أما أهل الغفلة و هم الأغلبية الغالبة فمازالوا يقتل بعضهم بعضا من أجل اللقمة و المرأة و الدرهم و فدان الأرض، ثم لا يجمعون شيئا إلا مزيدا من الهموم و أحمالا من الخطايا و ظمأً لا يرتوي و جوعا لا يشبع ...
‎فانظر من أي طائفة من هؤلاء أنت.. و اغلق عليك بابك و ابك على خطيئتك

في عصر القرود، و حتي تحافظ علي انسانيتك ابحث عن تلك التي تكون لك سكن و  اماً و زوجة و ملجأ، التي اذا احتجت تعطيك ما احتاجته دون ان تطلب، التي تعينك علي معرفة الله، التي تعطيك الامن و الامان،التي تستطيع ان تتخلص مما في صدرها من غل و تغلب في نفسها صفات التسامح، و اللين و المودة علي الغضب و الانتقام، ابحث في قلبها عن الرحمة و الحنان، التعاطف و المودة و الفهم لان ذلك ما يقام عليه البيوت.

حبيبي سليم، في عصر القرود، عندما تكبر لا تلتفت، فخلفك اشياء كثيرة سيئة و قد توجعك، سيحاول الاخرون ان يكسروك، فهناك من يكره تقدمك و هناك من يتمني ان يوقفك و هناك من يحلم بك خلفه. ان تكون وحيداً في الطريق الصحيح خيراً من ان تكون زعيماً في الطريق الخطأ. ان التفت ستسقط و ان سقط لن يرحموك. ان التفت قد تتعثر وسيحاول الكثير اسقاطك. كن شيئاً في مكان و لا تكن لا شئ في كل مكان. ارجو منك ان لا تلتفت ورائك ولا لمحاولاتهم الا اذا اردت ان تكون مثلهم و هذا قد يكسر قلبي كثيراً. عليك ان توعدوني ان تحاول جاهداً ان تحافظ علي قلبك نظيفاً و ان لا تفقد صفاء نيتك و لا ضحكت وجهك و لا فطرتك السليمة ولا روحك النورانية. عندما تكبر فلتعلم اننا كلنا نخرج من الدنيا بحظوظ متقاربة رغم ما يبدو في الظاهر من بعد الفوارق. فالله يأخذ بقدر ما يعطي و يعوض بقدر ما يحرم و ييسر بقدر ما يعسر. و لو دخل كل منا قلب الاخر لاشفق عليه و رأي عدل الموازين و ان اختل ظاهرها. فالله يمد يد السلوي الخفية و يحنو بيها علي المحروم و ينير بيها القلوب و يعوض الصابرين حلاوة، ثم يميل بيد القبض و الخفض فيطمس بصائر المترفين و يوهن قلوب المتخمين و يؤرق عين الظالمين. الله عدل.

في عصر القرود ،
كن رحيماً، فكلنا قادرون علي الحب و لكن قليل منا هم القادرون علي الرحمة. فأهل الرحمة هم اهل النور و الصفاء و لا يؤتيها الا كل شجاع كريم نبيل.
كن ليناً، هيناً، سهلاً، قريباً من الناس حتي و لو لم يقدروا منك ذلك، فانت تعامل الله و لا تعاملهم.
كن متسامحاً متصالحاً مع نفسك و مع الاخريين حتي و ان لم يفعلوا ذلك، و التمس لهم الاعذار، و عندما يجعلوك تفقد ايمانك فلتتذكر قول الله (وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ).
كن عطوفاً، ودوداً، كريماً، ناكراً لذاتك، راؤوفاً ، هادئاً، صبوراً، رحب الصدر، متريثاً، لانها صفات النورانيين الذين يحكمون الجانب الرباني في نفوسهم و يرتفعوا علي جبلتهم الطينية و البشرية.
كن حكيماً و جاهد نفسك دائماً، لانه الجهاد الاكبر الذي يستنهض بأشرف ما فيك.
كن وطناً و كن سكناً و مأوي للتائهين الذين لم يجدوا انفسهم بعد.
كن كالمطر، يروي، ليسقي، ليثمر.
كن متصدقاً، الكلمة طيبة صدقة، الابتسامة صدقة، اماطة الاذي عن القلوب صدقة و الصدقة بعشرة امثالها.
كن بصيراً بنفسك و عيوبها قبل ان تنظر للاخرين.
كن عوناً للناس دوماً، اترك اثراً و اعلم ان اي نور تتركه داخل احدهم يضيئك.
كن راضياً فاهل الرضا الي النعيم.


في عصر القرود،
لا تلقي باللوم علي احدهم، انظر بداخلك اولاً.
اذا ظـُلمت، لا تظلم، و اذا ظَلمت، رد المظلمة اوجب و ان جئت علي نفسك.
لا تبحث داخل احدهم عن ما ينقصك، و انتقاصك من الاخرين لا يزدك.
لا تكسر قلب احد و لا تطفئ احد.
لا تكذب- فالصدق ينجي و الكذب يؤدي بيك الي التهلة لا محاله.
لا تظلم احداً- فالظلم ظلمات يوم القيامة.
لا تتدخل في ما لا يعنيك - فا من حسن اسلام المرء تركه ما لا يعنيه.
لا تغتاب احدهم - فتظلمه بما لم يعد فيه و تبخس قدره.
لا تنظر للناس بعينك و تذكر ان العقل محله القلب و ان القلب ابصر من العين.
لا تقلل من نية احدهم و ان كان التنفيذ سيئاً.

في عصر القرود، كن انساناً و كفي!

أدب الناس بالحب :)

“‏ If nothing saves us from death, may love at least saves us from life” Pablo Neruda

“ أدب الناس بالحب ، و من لم يؤدبه الحب ، يؤدبه
المزيد من الحب" نجيب محفوظ

In a world full of ignorant people, we may feel isolated because people think that we are weird. We are considered an outcast because we dare to think differently. They even start to question our intentions and pressure us. But we dare ourselves to be different because we know that conforming is not an option to be taken. We do not want to conform to the notions or the rules that dehumanize others.

We believe in the power of humanity. We believe in the power of being compassionate, to be kind, and to care about others, especially about their pains. We do not succumb to our own beliefs and to think that we do not need to improve day by day. We know it by heart that we are just a simple person who can lack of knowledge of this world. The sad thing is, many people seem to not recognize this. Many people seem to not recognize that they are ignorant. They simply think that is the way it is without seeking for more guidance and knowledge.

Although you may wonder, how can people think like that? How can we consider ourselves as “the most correct one”? There are many ways to people act that way. Some people are raised to believe only in one point of view that they consider other viewpoints as wrong. Some never have the chance to explore the world so they never have any other new experience. Some can actually feel too much pain and hurt that they decided to shut down. They decided that they being ignorant help them cope with the cruelty that they have to face. Let us also not forget that at some point, we can actually be ignorant too when we consider that we know everything about this world and condemn others to be wrong when we have not yet consider their point of views.

Ignorance is deadly. Ignorance has caused too many wars and destruction in all parts of the world. It ruins relationships and may damage future ones. Ignorance makes you become hateful towards others who do not share the same point of view as yours. It limits our chances to explore the world even further. We become close-minded and we may lose our opportunity to see the beauty around us, to meet people who may have a great impact in our lives, to learn other viewpoints that can forever change our lives. We become selfish and unaware of other people’s needs. We become less and less empathetic. It saddens us to see how people do not care about other people’s sufferings unless it is directly related to them. Some may feel that if it does not happen to them, they lose nothing. But they are wrong. We did lose something. We lose the meaning of being human. We lose the meaning of being a social creature who need and are also needed by one another. We let our differences get to us. We let them separate us, without realizing that we are all a part of the same race, the human race.

I hope that you will not be one of those people. I hope that you can always be open minded and loving towards anyone that you meet. I hope that your focus is not only towards yourself, that you care about the people around you. I wish that you will always be aware with the needs of this world, especially with the need of love. This world needs more love and awareness spread, instead of hate and fear being the theme of the media today. The openness that happened through social media only distorted our perceptions and definitions of human relationships.

This world needs you to not be judgmental of those who are ignorant, but for you to help them to heal. Show them love, kindness, care, authenticity and compassion. Show them empathy. Be them and feel what they are feeling. Maybe, at the beginning, they won’t love you, but unfortunately you need to remember that most of the people don’t even love themselves!

This shouldn’t stop you! Continue loving them, because this is all they need.Help them to courageously decide to embrace their pain. To embrace the painful truths that we are all experiencing. Help them to see that the world is so much bigger than their own point of view and it will always be bigger than our own limited minds. Help people to realize that we are finite but the world is not. It is never finite. Help them to open their eyes and their hearts that we are all suffering, maybe not in the same way, but pain and suffering are universal. In order to ease the pain, why don’t we try to help one another in anyway we can? Why do we have to only care about ourselves?

Show them the amazingness of having strong emotional bonds with the world and what they can give, especially with the people in it. Show them that miracles do and can happen everyday, at any hour, and any time. Prove it to yourself too that it is not wrong to care, yet again, having the courage to intervene when something is wrong to change the situation. Having a burning desire to make this world a better place may make you seem strange, may make you feel like you are an outcast. But, you should be that outcast. Be that difference. Be the light. Show everyone that there is no such thing as darkness, only an absence of light. And when the light has shine, darkness is no more. Show them that being open to other people’s ideas do not mean you necessarily have to agree with everything they say, it just show that you are mature enough to understand other people and their thinking. We acknowledge that we are human beings who each filled with strengths and flaws and we are growing through life as we go through it.

If you see darkness in this world in many forms, you and I are called to help shine a light on it. I am not going to be able to do it on my own. I don’t want to do it on my own, because I can’t.

The world needs people like us to stand up, to own up to our belief that we have to help another and to make the world a better place. To understand that our role is to not judge them, it is not to say that people are good or bad, we know that it is not going to help the cause anyway. We are there to unconditionally be there for people, to listen and to make them feel loved. We are there to show them that when our heart and mind are pure, we can make the world a better place. We all need to feel loved.
And it all starts with Self forgiveness, self acceptance and self love.

A stranger told me before “maybe all we need is a kind heart to listen to us, thank you for being a human with a loving heart, Nour”

Always remember that!

رأيت الله..

رأيت الله..

والله العلي العظيم بدون مبالغةو دخول في تفاصيل، انا فعلاً شوفت ربنا الاسبوعين اللي فاتوا دول تحديداً كأنهم مروا عليا بعمري كله في رحلة عجيبة مش هعرف ادخل خالص في تفاصيلها لكن انا فعلاً شوفتوا.

شوفتوا و هو بيفتحلي ابواب و بيسرلي امور و بيدخلني سكك مفهمتهاش و انا في الطريق لكن ادركت لما وصلت لاخر الرحلة.

شوفتوا و هو بيطبطب عليا من خلال كتب و كلام و ناس معرفهاش يتصرفوا تصروفات مفهمتهاش و انا في الطريق لكن ادركت لما وصلت لاخر الرحلة.

شوفتوا و هو الصمد، بيرودني لما مشيت غلط، و ماسك ايدي لما وقعت، و بيسندني لما رجلي مشلتنيش و بيسحبني من الفتنة لما الفتنة سحبتني و حاجات مفهمتهاش و انا في الطريق لكن ادركت لما وصلت لاخر الرحلة.

شوفتوا و هو مش عاوزني اظلم نفسي ولا اتظلم منها في عز ما هان عليا حقه و حق نفسي و مفهمتش و انا في الطريق لكن ادركت لما وصلت لاخر الرحلة.

شوفتوا و هو بيديني فرص ضيعتها لكنه مبطلش عشان هو كريم و انا بعافر و اداني فرصة اني ادفع هنا تمن النظارة الجديدة اللي ادهالي بدل اللي اتلحوست عشان اشوف بيها الدنيا و الدار الحق علي حق و اجدد النية و اراجع نفسي و مفهمتش و انا في الطريق لكن ادركت لما وصلت لاخر الرحلة.

شوفتوا و هو بيديني دروس بطرق سهلة و بسيطة لكن اخترت مفهمهاش و دروس فوق طاقتي و محولتش افهمها و دروس متتفهمش و سعيت اني اوصل لاخرها وهو بيورني ان لسه في اكتر و اكبر، لو عشت عمري كله اشكره علي اللي مفهمتوش و انا في الطريق و اللي فهمتوا لما وصلت مش هيكفي.

شوفتوا و هو بيعلمني حاجات و بيوريني حاجات عشان
يخليني اتدبر و افكر عشان اجيب اخري و طبعا دي حاجة مفهمتهاش و انا في الطريق لكن ادركت لما وصلت لاخر الرحلة.

شوفتوا و هو بيلطف بيا و بيدبرلي امري و بيكرمني و بيمن عليا و بيديني فرص و دروس وسكك مفهمتهاش و انا في الطريق لكن ادركت لما وصلت لاخر الرحلة.

شوفتوا و كلمته كتير و رد عليا بس عمري ما فهمته صح عشان الكلام كان طالع من بوقي و داخل علي ودني لكن لما طلع من قلبي ،و عشان الكلام اللي طالع من القلب عريز، رد الاعز عليا و جاوبني و الدروس اتفهمت في ساعتها عشان ربنا اراد اني اكون وصلت لأخر الرحلة.

الحمد لله علي الرحلة اللي عارفتني ان العقل محله القلب و ورتني ربنا بقلبي و في قلبي بجد. جايز يكون ده الدرس من الرحلة دي، لكن لا الرحلةهتوقف ولا الدروس بتخلص!
و يا ريت الناس متشغلش خيالها و تجمح بتفكيرها عشان توصل ايه الرحلة. افهموها اهم!