Daily conversations- it will be okay someday :)

Today's Convo: " I still love the people I loved, even if I cross the street to avoid them" " I think it's important to realize you can miss something, but not want it back" #NoteToSelfAndOthers #FoodForThought #NWTFY

Daily conversations- nothing lasts forever!

Today's Convo: " Don't continue watering dead flower" "And one day it just gets better, there's no explanation or reason why, you just wake up and you're not angry anymore!" #NoteToSelfAndOthers #FoodForThought #NWTFY

Daily Conversations- letting go!

Today's Convo: "You can't talk to someone who held your heart in their palm and pretend it never happened" "Because it takes ten times as long to put yourself back together as it does to fall apart" #NoteToSelfAndOthers #LateNightThoughts #NWTFY

كل واحد بعد كده يخلي باله :)

تلت تربع مشاكل العالم تكمن في "setting expectations" ..ناس حطه expectations عاليه، ناس حطه expectations صح في الناس الغلط، ناس حطه expectations غلط في الناس الصح، ناس حطه expectations اكبر من اللي قدامها، ناس حطه expectations اصغر من اللي قدامها و ناس بتحط expectations و كل كلامها و تصرفتها عكسه.. كل واحد بعد كده يخلي باله من ال "expectations " بتاعته ونبي محدش ناقص وجع قلب..

متحسيبهاش :)

الواحد مهما كبر ،حاول يحسبها بالورقة و القلم و فكر بعقله و ركن قلبه علي جنب و جابها يمين و شمال و مشي في مواضيع عشان فاكر ان ده الصح و ان العقل بيقول كده، برضه من جواه هيفضل حاسس ان في حاجة ناقصه و هيفضل يدور علي الحد اللي لما يشوفه يحس ان في butterflies في بطنه، اللي ضحكته بتنور الدنيا و تكشيرته بتقلب اليوم، الحد اللي يفرح لو صحي علي message منه و نام علي صوته، الحد اللي يفهمه من غير ميتكلم، الحد اللي ممكن يفضل قاعد جنبه ساكت بالساعات و ميحسش بسكوت، الحد اللي ميعرفش ينام لو زعلان منه و لما تصلحه كل حاجة بتصفي و ترجع احسن من الاول.. و بجد لو ملائتش الحد ده بلاش، اصل الدنيا مش ناقصة نكد و هم و ناس بتسيب بعض علي أقل حاجة عشان هما اصلا واقفين لبعض علي الواحدة و مبيصدقوا..و علي فكرة مهما قاعدنا نزق عشان ده الصح هيفضل في حاجة ناقصة و هنفضل نقول يا ريت و نفضل ندور عليها، بس الوقت هيكون فات..

if tomorrow never comes !

I love being horribly straightforward. I love sending reckless text messages and telling people I love them and telling people They are absolutely magical humans and I cannot believe they really exist. I love saying give me a hug and you're a good person and you brighten my day. I live my life as straightforward as possible. Because one day, I might get hit by a bus. Maybe it's weird or scary. Maybe it seems downwards impossible to just be- to just let people know you want them, need them, feel like, in this very right moment, you will die if you don't see them, hold them, touch them in some way or your heart in their hands. But there is nothing more beautiful than showing them how you feel. And there is nothing more risky than pretending not to care. We are young and we are human and we are beautiful and we are not as in control as we think we are. We never know who needs us back, we never know the magic that can arise between ourselves and others. And we never know when the bus is coming and we never know if tomorrow never comes, so be straightforward and genuine always :)

عشان الوقت بيجري..

روحوا قولوا للناس اللي بتحبوهم انكم بتحبوهم اوي و قوموا صالحوا الناس اللي زعلانة منكم و عاتبوا اللي انتوا زعلانين منهم و احضنوا اللي وحشنكم اوي و كلموا اللي نفسكم تكلموهم و كل يوم تقولوا بكرة و ابعدوا عن الناس اللي منكدة عليكم عيشتكم و متنكدوش علي حد و متكسروش قلب حد و متخلوش حد يكسر قلبكم و كلوا كتير لو الاكل بيبسطكم و اعملوا دايت و زهقوا اللي حواليكم لو ده هيريحكم و قضّوا وقت كتير مع اهلكوا و اخوتكوا و صاحبوا الناس اللي شبهكوا عشان الصاحب ساحب و متصحبوش اي حد تقابلوا عشان مش كل الناس جدعان و عيشوا حياتكم بطريقتكم و كونوا مستريحين عشان محدش ليه عندكم حاجة و العمر اقصر من انه يضيع في اي كلام، احنا النهاردة عليها و بكرة ممكن نكون تحتيها فمحدش يضيع اللي باقي له مع اشخاص و حاجات مش باقيه له ..

و إكفينا ..

و إكفينا شر العشم في الناس اللي مش بتحس..و إكفينا شر الناس اللي ديماً كسرة النِفس .. و إكفينا شر اللي بنفتكرهم سند و طلعوا بيكسروا الظهر و مابيقوش.. و إكفينا شر المعافرة في السكة الغلط.. و إكفينا شر الأمل اللي بيودي فينا و يجيب ..و إكفينا شر قلة الحيلة و الايد العويلة.. و إكفينا شر التعليقة .. و إكفينا شر الحيرة ..و إكفينا شر التكديرة اللي بيوجاعوا في القلب..

بحب الناس الجدعة

بحب الناس الجدعة ، اللي في زعلهم بيقفوا جمب نفسهم و مبيستنوش حد، و لما بيقعوا بيحاولوا يرجعوا يقفوا أوام ، اللي بيخافوا من الخساير بس لما بيحبوا حد او حاجة مش بيسبوا خوفهم من الخسارة يكسبهم، اللي عندهم الشجاعة انهم يعملوا حاجة و يقولوا حاجات محدش مستنيها او متوقعها منهم بس بيخدوا الخطوة الاولي عشان ميرجعوش يقولوا يا ريتنا، اللي بيطاولوا في الكلام و تفضل دماغهم مسواحهم و يروحوا و يجوا عشان يدوا الناس فرص لأخرها، اللي بيفضلوا صابرين لحد ما الصبر نفسه يجيب اخره، اللي مبيعندوش عشان عارفيين ان خساير العند تقيلة بس برضه مسبوش نفسهم يتسحلوا و بطالوا يعافروا في السكة الغلط، اللي مبيعرفوش يضحكوا في وشك و هما زعلانين منك عشان علي قد المعّزة علي قد الزعل، اللي مبيقدوش واجب و لما بيعملوا حاجة بيعملوها من القلب، و اللي بيعملوا الصح حتي لو هيجوا علي نفسهم و علي انبساطهم عشان في الأخر يبوصوا لنفسهم في المرايا و يقولوا "عاش" ..

و يبقي عندي ما يكفيني وحدي...

و يبقي عندي حنينٌ لماضيٍ ماتَ و ماتت معه ذكريات ما حسبتها ستموت يوماَ ما.. ويبقى عندي حزنٌ لن يشعر به احداًغيري لموت أشياءِ في ظروفٍ, ما ادركتُ يوماً إنها ستؤدي إلى الوفاه! ويبقى عندي المٌ لم أعد اشعر به ولكني على يقين إنه لازل موجوداً في مكاناٍ ما... ويبقى عندي بعض المشاعر التائهة ماعدتُ أريد الإحتفاظ بهاومازلت خائفةً من منحها لأحداً.. و يبقى عندي بصيصٌ من النور في ظل الظلام القاتم ليعطيني املاً في حياةٍ ماعاد فيها أي أمل.. و يبقى عندي من الإنسانية مايفوق الكثيرون مجتمعون في زمنٍ فقدَ فيه البشر انسانيتهم.. ويبقى عندي من الوفاء مايكفيني لأعيش في زمن ما عاد الوفاء فيه لغةً يفهمها البشر... و يبقي عندي ما يكفيني وحدي..وحدي فقط!

اليأس خيانة ..

 اقعد من سكات و مترغيش كتير؛ احمد ربنا و حاول تفهم ان ده الخير ليك و ان دي رحمة ربنا عليك, و ما تيأسش, لأن اليأس خيانة! سيبها علي ربنا يدبرهلك زي ميدبرها تيجي احسن ما انت عايز، تيجي مش علي مزاجك، و لا حتي متجيش خالص هو ده اللي ربنا كاتبهولك. متقولش يا ريت و متقولش مانا لو كنت، و لا دي و لا دي هتغير اي حاجة من ده؛ حاول تغهم ان ده اللي كان برضه هيحصل حتي لو كانت الظروف اتغيرت، اصله درس و كنت لازم تتعلمه و كله في وقته. حاول ترضي لانك مهما تخيلت عمرك ما هتفهم الحكمة في وجع قلبك او حيرت بالك او احساسك بالضيق و هتفضل تسئل نفسك اشمعني انا و ليه كده و بتنسي اهم حاجة ان ربنا رحيم و كريم اوي و بيختبرك عشان يشوفك هترضي و تحمد و لا هتعترض و تنقم علي قضاء ربك اللي بيحبك.برضه ما تتغيرش, اعمل اللي عليك, اللي يرضي ربنا و يرضيك, افضل كبير في عنيك حتي لو اللي قدامك صغير, و احترم نفسك قبل ما تحترم اللي قدامك اعمل خير حتي لو اللي قدامك مايتسهلش و افتكر انك بتعملوا عشان ربناو و اللي عند ربنا ما بيضعش. اتعلم من الدرس و اشكر ربنا و ماتبوصش وراك عشان ربنا في ظهرك و " وَكَفَى بِاللَّهِ وَلِيًّا وَكَفَى بِاللَّهِ نَصِيرًا" ربنا يجبر بخاطرنا و يريح بالنا و يطبطب علي قلوبنا :)