كام سؤال ..

كام قلب فتح بابه و دخل الحد الغلط؟ و كام قلب اتكسر من دخلتهم دي؟ و كام حد كان عنده الشجاعة انه يخرجهم زي مدخلهم؟ و كام حد حاول يخرجهم مستنيهم يمسكوا فيه و يثبتوا العكس؟ و كام واحد بني حوالين نفسه اسوار مش بيسمح لحد يعديها و متخيل ان ده الامان ؟ و كام واحد اسواره اتكسرت، لا عرف يحافط عليها و لا عرف يرجع زي الاول ؟ و كام واحد خاف يحب تاني عشان اتعلم الدرس الغلط في الوقت الصح؟ و كام واحد خاف يحب تاني عشان خايف علي قلبه من الناس الصح اللي ممكن تطلع غلط؟ و كام واحد حب مهمهوش عشان اتعلم الدرس صح و اختار صح؟ طيب و كام واحد فتح قلبه لناس خبطتت و جريت ؟. و كام واحد فتح قلبه لناس خبطتت و مكانتش جاهزة ؟ و كام واحد فضل قافل مفتحش عشان خوفه كان اكبر منه؟ و كام واحد لما خاف بوظ كل حاجة ؟ و كام واحد قلبه اتكسر و مخدش باله ان في حاجات لما بتتكسر مبتتصلحش و لما بتتصلح مبترجعش زي الاول و لو رجعت يفضل الكسر معلم فيها؟ حاسب تكسر حاجة منتاش اد انك تخسرها او اكبر من انك تعرف تصلحها ...