اللي معاه ربنا يمشي علي المايه..

Disclaimer: الكلام كتير بس مستاهل القراية طيب بما ان الشهرين اللي فاتوا كان فيهم احداث كتيرة و متلاحقة - ما بين وفاة شباب اعرفهم ، او مواقف و زنقة صعبة عدت علي صحاب قريبين ليا .. ده reflection و conclusion بسيط: ١- أصحي الصبح كل يوم فاكر ان ده أخر يوم ليك في الدنيا ، اتقي الله في نفسك و في شغلك و معاملاتك مع الناس. ٢- طالما ذكرت المعاملات مع الناس - تخيل لو حصلك حاجة موقف صعب او مت - تحب الناس تقف معاك و لا تستندل ، تحب الناس تفتكرك بالخير و لا بالوحش - الاجابة علي السؤال ده هتحددلك تصرفاتك عاملة ازاي خلال يومك..متكذبش ، متجيش علي حد، متكسرش قلب حد ، متنيمش حد زعلان ، متستندلش مع حد . ٣- و برضه طالما ذكرت الناس - اختار صحابك كويس - مش كل الناس ينفعوا يكونوا صحابنا.. افتكروا ديماً الصاحب ساحب .. صاحبوا الناس اللي تفكركوا بربنا و تكون ضميركوا - اللي يخافوا عليكوا و اللي لو متوا يفتكروكوا ديماً بدعاء و صدقة. ٤- و طالما ذكر الدعاء و الصدقة - اوعي تبطل دعاء - ادعوا بأي حاجة و كل حاجة - و تصدقوا حتي لو بمبلغ بسيط و اعملوا charity كتير هو ده اللي باقي. عليكوا و علي الاستغفار .. طبعاً مش هكلم علي الصلاة و القرأن عشان دي بديهيات .. ٥- و طالما ذكرت البديهيات - علاقتكوا بأهلكم - و اخواتكم - دي مهمة - وقفتكم معاهم - كتفك في كتفهم - prioritizing their defining moments - محدش هيفتكر انك كنت rated 1 ولا top performer بس هيفتكروا انكم منسيتوش مناسباتهم و كونتوا موجودين في الحلو قبل الوحش .. ٦- و طالما ذكرت المناسبات - متنسوش تقولوا للناس اللي بتحبهم و تحترموهم انكوا مبسوطين و مقدرين وجودهم في حياتكوا بمناسبة او بدون .. مش لازم نستني حد يموت عشان نكتبلوا post نقولوا قد ايه احنا بنحبوا .. اجبروا بخاطرهم عشانWe never know when would it be the last time :) ٧- و طالما ذكر جبر الخواطر - افكركم بجبر خواطر الغلابة اللي حواليكوا عشان ربنا يجبر بخاطركوا .. ٨- و طالما ذكر ربنا - افتكروا ديما اللي معاه ربنا يمشي علي المايه .. خلي ربنا في بالكوا هتشوفه في كل حاجة - كل القرارات اللي بيدبرهالك و كل المواقف اللي بيسترها عليك و كل الكرم اللي بتشوفوا في حياتك، ربنا لطيف بينا فخليك في معيه ربنا :))

لو ناقص يبقي بناقص :)

ربنا خلق ٩٠٪ من البنات عندها فطرة الامومة- اغلبنا من واحنا عيال بنحب نلعب بالعرايس و نعمل كأننا مامهتهم و طالما عندنا الفطرة دي اكيد مش ممنعين اننا نتجوز و نخلف.. اللي حاصل دلوقتي بقي ان بنات كتيرة مبقتش عاوزة /عارفة تجوز مش عشان اشتغلوا و بقي معاهم فلوس و الفطرة مبقتش سليمة.. ولا عشان هما مكتفيين بنفسهم و شايفين ان دي حاجة مش مهمة.. و لا عشان حقوق المرأة و الاي كلام اللي الناس بتعملوا share.. اللي حصل ان معظم الولاد مبقوش عاوزين يشيلوا المسؤلية و البنات بطلت تكون عاوزة تجوز و خلاص فمبقتش بترضي بأي واحد و اصبحت المنظومة غير سوية .. زيادة علي كده ان كل ما البنت تكبر في السن - تفكرها بيكبر معاها و نظرتها للأمور بتختلف و حسابتها بتدخل فيها حاجات ماكنتش في بالها قبل كده .. و بعد سن معين - بيبقي عندها حياتها اللي لو هتغير فيها مش هتغير كتير - و شغلها و حياتها و انشطتها ..عشان كده لما تيجي تقابل حد مش هيبقي اهو حد و خلاص - و لا جوازة و السلام ولا ظل راجل ولا ظل حيطة و الكلام ده..هتبقي عاوزة واحد قابلها زي ما هي - بحلوها و وحشها - بحياتها و صحابها - شغلها و افكارها و قناعتها . واحد يكون رفيقها في دنيتها و ظهر و سند و كتف اكتر ما واحد داخل يفرض وصايته عليها.. واحد يكون سكن ليها و سترها و غطاها .. بتدور علي علاقة تحكمها المودة و الرحمة اكتر من الحب.. و عشان كده لما ملاقتش الواحد ده - استنت و متسرعتش و فهمت انه الجواز مش اخر الدنيا ولا انه منتهي الامل في الحياة .. نفسي الناس اللي فاهمة غلط تفهم ان البنات بطلت تتجوز واحد و خلاص .. و بقينا بنتجوز واحد عشان هو ده اللي حياتنا بتكمل بوجوده - و لو طلع ناقص يبقي بناقص :) #محدش_يسيبني_علي_البحر_لوحدي_تاني #اتقل_تاخد_حاجة_نضيفة 💪🏻 #المكنه_طلعت_قماش