اسئلة وجودية ..

دماغي مليناه اسئلة ملهاش اجابات و من كتر الاسئلة حاسة ان دماغي شبه ميدان طلعت حرب وقت الذروة و بما أني مبخبيش عليكوا حاجة أقلت اشاركوا الاسئلة دي يمكن حد ابن حلال يطلع عنده اجابه .. سؤال وجودي رقم 1: ليه الناس بتاكل و متتخنش ؟ واحدة زي حالاتي بتعمل دايت من 2003 ، بلاش طب نكلم جد شوية سؤال وجودي رقم 2: ليه الناس بتقول حاجات و هي قاصدها حاجات تانيه ؟ ايو يعني ايه الفكرة من كده ؟؟انا شخصيا واحدة الحياة عندي يا ابيض يا اسود مبفهمهاش غير كده !سؤال وجودي رقم 3: ليه في ناس بتكذب و معندهمش الشجاعة يعترفوا ؟ الكذب ده اسوء نوع من انواع عدم الاحترام و الوجع المعنوي ، بزعل اوي لما اعرف أين مشتهلتش اعرف الحقيقة.. سؤال وجودي رقم 4: ليه لما بنحب حد، الحد ده يطلع بيحبنا و خلاص ، ليه لازم الناس قلبها يوجعها و لازم بالهم يتعب؟ربنا ما يعلق قلبنا بحد عمره ما كان لينا. سؤال وجودي رقم 5: ليه الناس متحترمش بعد و كل واحد بيعامل التاني يتعامل بالصح و الغلط مش زي ما المجتمع بيفرض عليه ولا زي ما هو عايز يتعامل؟ سؤال وجودي رقم 6: ليه الناس بطلت تقدر الصراحة و بقيت تحب اللف و الدوران غير كده تبقي انت مش ناصح و متعجبش و لازم نحير بعض ، و ده كان قصده و ده كان قصده ، مالها الصراحه يعني مبقيتش موضه و لا ايه؟؟ سؤال وجودي رقم 7: ليه الدنيا مبتمشيش زي ما بنخططها لنفسنا؟ يجري ايه يعني لو الواحد حصاله كل حاجة هو نفسه فيها وقت ماهو عاوز (ده سؤال عارفة اجابته بس احب اطرحه برضه) سؤال وجودي رقم 8: ليه دايما لازم يا قلبنا يوجعنا و بالنا يتشغل بحاجات ملهاش لازمة و احنا عارفين ان ملهاش لازمة بس بنقول يمكن غباء ده و لا أمل و لا ناس فقرية غاوية نكد زي حالاتي؟ سؤال وجودي رقم 9: ليه لما حاجة بتتكسر مش بتتصلح و لو اتصلحت مبترجعش زي الاول؟ اه و الله ليه ؟؟ سؤال وجودي رقم 10: هي الناس الصادقة في مشاعرها ،الناس الكويسة يتاعت زمان، الناس اللي كانوا بيسؤلوا علي بعد من غير مصالح و يحبوا بعد من غير مصالح و يتمنوا لبعد الخير عشان هما ناس طيبين اوي يا خال ، الناس دي راحت فين ؟؟ #اه_يانا